Bit to´n eersten Sünndag in dat niege Johr 2025 is noch de Utstillen (ndt.: Ausstellung) över dat Utwannern vun Sleswig-Holsteen na Amerika vör över 150 Johr to bekieken.
Dorbi kann Een ook sehn, dat nich blots een oole Kaat (ndt.: Kate) ut Klein Offenseth bi Barmstedt in Amerika ankamen is, sünnern ook de oole norddüütsche Regionalspraak, de nedderdüütsche Spraak (kort seggt: dat Plattdüütsche) mit ehr rieke Kultur.
Un jüst in´n Bundesstaat Ohio in´n Oosten vun de USA, dor wo de grooten Seen sünd, gor nich wiet af vun Kanada, dor warrt noch düchtig Plattdüütsch schnackt. Kuum to glööven: In een lütt Stadt – mit teihndusend Minschen üm un bi so veele Inwohners as in Barmstedt – gifft dat een Plattdüütsch-Club mit mehr as 80 Maaten (ndt.: Mitglieder). Un de Grund, dat se so een Club gründt hebbt? Ook kuum to glööven – awer de Lüüd vun´n Club seggt dat so: „Wi wüllt uns Spraak redden (ndt.: retten), wi wüllt uns op uns Wöddeln (ndt.: Wurzeln), op uns oole Kultur besinnen“.
Kuum to glööven!