Dat is doch mol wat: Geschichte in un ut dat Museum. Kort vör de grooten Ferien weern junge Lüüd vun de James-Krüss-School in´t Museum, üm nix anners to dohn, as sick sonöömten Input to haalen för een Geschicht. Dat Motto: Döntje vertellen.
Wat´s dat denn? Oole Lüüd kennt dat Woort „Döntje“ as lütten dummerhaftigen Schnack „op Platt“. Awer Döntje is nix anners as: een Geschicht, een Vertellen, een Lüttgeschicht.
Un so weer nülichst een negente Klass´mit jüm ehr Schoolmeesters in´t Museum un harr de Opgaav kregen: Söökt ju wat in´t heele Museum, wat to een lütt Geschicht maakt warrn kann un een Held oder een Heldin as sonöömten Plot hett.
Un wat hebbt se funnen?
Se hebbt Naams funnen vun Fomilien, de se kennen dään, so hebbt opspöört, wat fröher so los weer in un üm Barmstedt un se hebbt spitzkregen, dat dat ook ahn Handy düchtig wat to beleven gifft …!
Un nu maakt se vun dat, wat se so in´t Museum funnen un sehn hebbt, een lütt Geschicht, een Döntje sotoseggen!
Dat köönt wiss un wohrhaftig ook utwussen Lüüd.
De Museumslüüd sünd nu al – de Hochdüütsche würr seggen – gespannt!

Barmstedt, 23.Julimaand 2023