Noch löppt se, de Utstillen (ndt.: Ausstellung) över de oolen Fliesen mit all de Figuren un Geschichten ut de Bibel: Noah warrt dalsluckt vun een Wal (un wedder utspuckt), König David sleiht Grootmuul Goliath dal un de Propheten ut dat oole Testament hebbt vun een gode Tiet schnackt, de op de Minschen tokamen schall.
Awer dor is noch heel veel mehr antokieken: Slittschöh, Windmöhlen, Blomenvaas, Korfmaker, Wiendruuven un Derten (ndt.: Tiere) so wiet as dat Oog kieken kann – Köh, Löven, Peer un Vagels. Ook Sommervagels – een vun de öllsten Betekens (ndt.: Bezeichnungen) für „Schmetterling“.
Un all dat köönt lütte un utwussen Lüüd in een Söökspeel (ndt.: Suchspiel) söken un finnen!

Barmstedt, 24.Septembermaand 2023